Is jy versot op die buitelewe en altyd op soek na jou karavaan of tent se volgende staanplek? Dan behoort Kokoriba Wildreservaat beslis boaan jou lys te wees. Hierdie Noordwes-vakansieoord bied ʼn regte bosveld-avontuur – nader, meer bekostigbaar en met uitstekende kampeergeriewe.
Kampgeriewe
Kokoriba beskik oor12 ruim staanplekke,elk met elektrisiteitstoevoer. Daar is baie natuurlike skaduwee, skoon en ruim ablusieblokke, asook alles wat ʼn mens nodig het vir ʼn gerieflike kampeer-ervaring. Die kampeerterrein is doelbewus ingerig om voldoende privaatheid vir kampeerders te verseker – die ideale oplossing vir enigiemand wat moeg is vir oorvol, beknopte en raserige kampeerterreine.
Daar is uiteraard ook genoeg ruimte vir motorvoertuie. Of jy nou met ʼn gesinskaravaan arriveer of net met ʼn tent reis, hierdie kampeerterrein is prakties ontwerp met gerief in gedagte, sonder om die natuurlike bosveld-atmosfeer prys te gee. Kyk hier na die uitleg van die kampeerterrein.
Skoon en netjiese ablusieblokke
Gesoute kampeerders weet: die toestand van ablusieblokke kan ʼn kampeerervaring maak of breek. Kokoriba spog met skoon, netjiese en goed onderhoude ablusieblokke, toegerus met warm en koue water, opwasgeriewe en voldoende fasiliteite om gerief te verseker – selfs tydens die besige seisoene.
Hierdie aandag aan detail dra by tot ʼn gemaklike ruskans en sorg dat jy jaar ná jaar wil terugkeer na jou betroubare kampplek in die Noordwes.
ʼn Bosveldvuur onder die sterre
Wanneer die son ondergaan en die bosveld nóg stiller raak, tree Kokoriba se ware bekoring na vore. As jy mal is oor die atmosfeer van ʼn knetterende bosveldvuur, smullekker potjiekos wat stadig oor die kole prut en die geselskap van jou geliefdes onder ʼn hemelruim van sterre, hoef jy nie verder te soek nie.
Die bosveldstilte, die geluide van nagdiere en die wind wat saggies teen jou tentdeur wapper terwyl jy sorgeloos aan die slaap raak – wat meer wil ʼn kampeerder hê?
Of jy nou ʼn onervare kampeerder is wat net ʼn rustige naweek in ʼn tent wil deurbring, of ʼn gesin van ervare kampeerliefhebbers wat die hele skoolvakansie lank wil kampeerder, Kokoriba is ʼn móét!
As jy reg is vir ʼn onvergeetlike bosveldvakansie, bespreek jou plek hier!
Vir navrae of besprekings, skakel gerus 012 277 1204 of stuur ʼn e-pos na reservations@kokoriba.co.za.